पोखरा रंगशालास्थित फुटवल मैदानको काम धमाधम भइहेको छ । मैदान निर्माण कार्य दूवो रोपन बाहेक लगभग सकिएको छ ।
मैदानको १ चौथाई भागमा दूबो समेत रोपिसकिएको छ । अन्य दूवो आउनेक्रममा छ ।
मैदानको रहेको धावनमार्ग पिच गर्ने काम धमाधम भइरहेको छ । अब लगत्तै धावनमार्गमा रंगरोगनको काम हुनेछ । सागलाई लक्षित गरि फुटवल मैदान निर्माणको काम भइरहेको बताइन्छ ।

सागका लागि १० हजार दर्शक अट्ने प्याराफिटसहितको फुटवल मैदान तयार हुने बताइन्छ । सम्भवतः पोखरामा महिला फुटवल खेल हुनेछ ।
दर्शक प्याराफिटको जग खन्नेक्रम शुरु भएको छ भने भिआइपी प्याराफिटको डिपिसी उठाउने काम सकिएको छ । भिआइपी प्याराफिट घाम र पानी ओत्ने र दर्शक प्याराफिट खुला बन्ने बताइन्छ ।
















