कोरोना महामारीमा पनि सच्चाइएको सत्संग नाम दिएर किस्चियन धर्म प्रचार गर्ने क्रम रोकिएन । कोरोना निको बनाउने तागत आफूसँग भएको भन्दै ६२ वर्षीय पुरुषले पोखरा १९ मा प्रार्थना गराइरहे ।
आफ्नै घरमा प्रार्थना चलाउने यी धर्मगुरुको शनिबार राति साढे ११ बजे निधन भएको छ । कोरोनाका कारण ज्यान गुमाउने उनी पहिलो कस्केली हुन् । मधुमेहका समेत बिरामी उनी साउन १७ गतेबाट प्रतिष्ठानको आइसियुमा उपचाररत थिए ।
पोखरा स्वास्थ्य विज्ञान प्रतिष्ठानमा उपचारका क्रममा मृत्यु हुने उनी तेस्रो व्यक्ति हुन् ।
यी संक्रमितको सम्पर्कमा आएका थप ६ जनामा पनि कोरोना संक्रमण पुष्टि भइसकेको छ । ती ६ जनाको सम्पर्कमा आएकाहरुको खोजपड्ताल हुन बाँकी छ ।
तीमध्ये २ जनालाई आइसोलेसनमा उपचारका लागि लगिएको छ भने ४ जना अझै घरमै छन् । उनीहरुलाई आइतबार लेखनाथमा रहेको प्रदेशको अस्पताल लैजाने तयारी भएको छ । पोखरा १९ का अध्यक्ष शोभामोहन पौडेलले पोखरा १९ र १६ लाई कम्तीमा एक हप्ताका लागि सिल गर्न पहल भइरहेको नेपालदुतलाई बताए ।
