देशले मागोस्, देशको निम्ति पूरै रगत बगाउन सक्छु
विशाल छ मुटु मेरो, सिङ्गै देश अटाउन सक्छु
केही होइन म यो देशबिना, देश भएर बाँचेको छु
निसङ्कोच बलिदानीमा म आफूलाई चढाउन सक्छु ।
पैसा पाए नरक यात्रा आँट्नेहरु छन्
स्वार्थ मिले स्वाभिमानै साट्नेहरु छन्
आफ्नै दूनो सोझ्याउन खुकुरीझैँ बनी
अचानोमा देशलाई राखी काट्नेहरु छन् ।
औंशीको रात आकाशमा जून रोएको बेला
अभाव अनि महङ्गीमा नून रोएको बेला
गुहार मागी कराउँदैमा कस्ले पाउँछ न्याय यहाँ
अन्यायमा परी आफैँ कानुन रोएको बेला ।
