बालगीत : आकाशमा लागेछ…

आकाशमा लागेछ
कालो कालो बादल
गीत गाउन भनेर
भाइले झिक्यो मादल ।

हाम्रै नजिक बस्यो
सानू पप्पी आएर
नाच्न थाल्यो बिल्लीले
मीठो गीत गाएर ।

माकुर माकुर परेवा
घुर् घुर् गर्दै
हामीसँगै नाच्न थाल्यो
वर वर सर्दै ।

बाहिर पानी परेनि
असिना नै झरे नि
बाबाआमा आउनुभो
परर ताली लाउनुभो ।

हामी पाठकको रचनात्मक प्रतिक्रिया, कमेन्ट, सेयरको सराहना गर्दछौं । तर नेपालदुतमा प्रकाशित समाचार वा अन्य सामग्री जस्ताको तस्तै वा परिमार्जनसहित अन्य न्युज पोर्टलमा प्रकाशित नगर्न अनुरोध छ ।