विद्यालयस्तरीय व्याडमिन्टन भदौ दोस्रो साता

कास्की जिल्ला व्याडमिन्टन संघले आगामी भाद्र दोस्रो साता १८ औं सस्करणको इन्द्रबहादुर गुरुङ स्मृति विद्यालयस्तरीय छात्र तथा छात्रा व्याडमिन्टन प्रतियोगिता सञ्चालन गर्ने जनाएको छ ।

संघले आधारभूत तहमा अध्ययनरत विद्यार्थीहरुलाई लक्षित गर्दै व्वाईज सिंगल र गल्र्स सिंगलमा प्रतिस्पर्धा गराईने छ । माध्यमिक तह तर्फ व्वाईज सिंगल र डबल्स, गल्र्स तर्फ पनि सिंगल र डबल्समा प्रतिस्पर्धा गराईने प्रतियोगिता संयोजक बबिन बग्दासले जानकारी दिए । उच्च माध्यमिक तह तर्फ पनि व्वाईज सिंगल र डबल्स, गल्र्स सिंगल र डबल्सको इभेण्टमा प्रतिस्पर्धा गरिने छ ।

विजेता विद्यालयका विद्यार्थीलाई पदक, ट्रफी तथा मायाको चिनो प्रदान गरिने छ । बेष्ट प्लेयर व्वाईजलाई स्पोर्टस साईकल, बेष्ट प्लेयर गल्र्सलाई पनि स्पोर्टस साईकल, उदीयमान खेलाडीलाई ट्रफी तथा अनुशासितलाई ट्रफी, सर्वाधिक खेलाडी सहभागि हुने विद्यालयलाई ट्रफी, उत्कृष्ट पोशाक र उत्कृष्ट विद्यालयलाई समेत ट्रफी प्रदान गरिने छ ।

खर्च ४ लाख ९० हजारको अनुमान गरिएको छ । कक्षा ११ र १२ को हकमा भने हाल १२ कक्षामा अध्ययनरत भएको हुनुपर्ने प्रावधान कास्की जिल्ला व्याडमिन्टन संघले राखेको संघका अध्यक्ष डम्बरसिंह गुरुङले आईतबार पत्रकार सम्मेलनमा बताए । प्रतियोगिता भाद्र १० गतदेखि १४ गतेसम्म पोखरा रंगशालास्थित व्याडमिन्टन कभर्ड हलमा सञ्चालन हुने छ । file pic

kheladinews.com