गाछेपानीमा इन्धन भण्डार, भरतपोखरीमा प्रदेश औद्योगिक ग्राम


गण्डकी प्रदेश सरकारले तनहुँको गाछेपानीमा ९० हजार किलोलिटर क्षमताको ईन्धन भण्डारण केन्द्र र पोखरा ३३ भरतपोखरीमा प्रदेश औद्योगिक ग्राम बनाउने भएको छ ।

नाकाबन्दीताका आफ्नै लगानीमा ईन्धन भण्डारण केन्द्र बनाइदिने चिनिको प्रतिवद्धताको ३ वर्षपछि गण्डकीमा जग्गाको खोजी भएको हो । आबुखैरेनी वडा न २ को मार्किचोकको ४ सय रोपनीमा भण्डारण केन्द्र बनाउने प्रस्ताव छ । त्यहाँ ६० रोपनी सार्वजनिक जग्गा भए पनि बाँकी व्यक्तिको जग्गा छ । कम्तीमा ३ महिनालाई पुग्ने इन्धन भण्डार बनाउने प्रदेशको तयारी छ ।

भरतपोखरीमा प्रदेश औद्योगिक ग्राम स्थापना गर्न ३२ सय रोपनी जग्गा उपलब्ध गराइदिन पनि गण्डकी सरकारले संघसँग आग्रह गर्ने भएको छ । फेवाताल संरक्षणका लागि पोखरा महानगरसँग मिलेर काम गर्ने र आधा आधा बजेट लगाउने प्रदेशको मन्त्रिपरिषद् बैठकले निर्णय गरेको छ ।


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं