ताजा समाचार

वैशाख १८ गते २०७६

मजदूर दिवसकै दिन काम गर्दै गर्दा एक मजदूरको मृत्यु

विभिन्न कार्यक्रम गरी आज मे १ अर्थात् अन्तर्राष्ट्रिय मजदूर दिवस मनाईरहदा म्याग्दीमा भने सडक निर्माणको काम गरिरहेका एक मजदूरको मृत्यु भएको छ ।

बेनी–दरवाङ सडकखण्डअन्तर्गत चुत्रेनीमा सडक विस्तारको काम गरिरहेको अवस्थामा सडक माथिबाट ढुङ्गासहित माटोको ढिस्को खसेर पुरिँदा बर्दिया मधुवन नगरपालिका–२ ठाकुरद्वारका ३५ वर्षीया कालुराम थारु को मृत्यु भएको हो ।

जिल्ला प्रहरी कार्यालय बेनी म्याग्दीबाट गएको प्रहरीको टोली र स्थानीयवासीले स्काभेटरको प्रयोग गरी माटो पन्छाएर थारुको शवलाई बाहिर निकालेको जिल्ला प्रहरी कार्यालय म्याग्दीले जनाएको छ ।