सन् २००१ मा रिलिज भएको सुपरहिट फिल्म हो दर्पण छायाँ। तुलसी घिमिरेले निर्देशन गरेको यस फिल्मले धेरै दर्शकहरुलाई रुवाएको थियो भने गीतसंगित पनि उतिकै हिट भएको थियो । फिल्ममा निरुता सिंह , दिलिप राइमाझी र उत्तम प्रधानको जोडी पनि दर्शकहरुले निकै रुचाएका थिए ।
यो फिल्म हेरेर नरुनेहरु सायदै थिए होला । त्यसैले पनि यो फिल्म यी तीनै जना कलाकारहरुको करियरका लागि कोशेढुंगा साबित भएको थियो । । अब सोही फिल्मको सिक्वेल बन्ने भएको छ । यसबारेमा निरुता स्वयंमले खुलासा गरेकी हुन् ।
नायक उत्तम प्रधानले फिल्मको स्क्रिप्टको लेखिरहेको र उनको कन्सेप्ट आफुलाई पनि निकै मन परेको कारण आफुहरुले मिलेर दर्पण छायाँको सिक्वेल बनाउन लागेको बताएकीछिन् । फिल्म जहाँबाट अन्त्य भएको थियो त्यहीबाट सिक्वेलको कथा सुरु हुनेछ । फिल्ममा अभिनय पनि उनीहरुले नै गर्ने भएका छन् । फिल्मलाई तुलसी घिमिरेले नै निर्देशन गर्ने प्रबश सम्भावना रहेको बताईएको छ । निरुताले सिनेमा क्षेत्रमा धमाकेदार कमव्याक गरिसकेकीछिन् भने दाल भात तरकारी जस्तो फिल्ममा पनि काम गरिसकेकीछिन् उता दिलिप पनि पर्दामा देखिई नै रहेका छन् तर उत्तम पनि पर्दाबाट ठाढै छन् ।
यसरी यो त्रिमुर्ती पर्दामा त्यो पनि दर्पण छायाँको सिक्वेलमा देखिए दर्शकहरुलाई त्यो जस्तो सप्राईज सायदै अरु होला ।
