पछिल्लो केहि दिन यता युटुवको ट्रेन्डिङ मा रहेको ‘इन्स्टाको फोटो’ गीत फ्रन्सेली गायिका कारला ब्रुनीको गीतको मेलोडीमा रहेको थाहा पाएपछि संगीतकार कालिप्रसाद बास्कोटालाई यो पटक पनि गीत चोरीको आरोप लागेको छ ।
सन् २०१२ मै युटुवमा रिलीज भएको रहेको गायिका कारला ब्रुनीको Quelqu’un m’a di गीत कालिको शब्द संगीत र स्वरमा रहेको ‘इन्स्टाको फोटो’ गीतसंग मेल खाएपछि संगीत बजारमा कालि प्रसाद फेरी गीत चोरीको आरोपमा परेका हुन् ।
पछिल्लो समय चर्चामा रहेका यि संगीतकारलाई केही महिना अघि पनि गायक \संगीतकार राज सागरको गीत चोरीको आरोप लागेको थियो । चलचित्र शत्रुगतेमा रहेको ‘पिरतीको बर्को तिमीलाई‘ गीत गायक तथा संगीतकार राज सागरको ‘संधै भरी सताउने चाहना छ तिमीलाई’ गीतबाट चोरी भएको आरोप लागेको थियो ।
राज सागरले गीत एरेञ्ज गर्ने क्रममा गीत रिकेश गुरुङलाई दिँदा संगीतकार कालिप्रसाद पनि त्यहिं थिए । पछि चलचित्र शत्रुगतेमा रहेको पिरतीको बर्को तिमीलाई‘ बजारमा आएपछि कालिप्रसाद पनि बिबादमा मुझीएका थिए । यशु थापाको ‘गीताञ्जली ‘नामक एल्वममा समावेश सो गीत २०७४ साल भदौ ३० गते बिमोचन भएको थियो भने पिरतीको बर्को गीत २०७४ माघ १७ सार्वजनिक भएको थियो ।
पिरतीको बर्को गीत चोरीको आरोप लागेपछि कालिले त्यो समय फेसबुक मार्फत खण्डन गरेका थिए । त्यसैगरी ‘इन्स्टाको फोटो’ गीतको बारेमा पनि उनले स्पस्टिकरण पक्कै दिनेछन् । तर संगीतको आजको बजारलाई हेर्दा एउटा उचाई लिईसकेका कालीमाथी पटक पटक यस्ता आरोप लाग्नु उनि स्वयंका लागि राम्रो होईन भने उनका स्रोतामाझ पनि यस कुराले नकारात्मक छाप नै छोड्ने देखिन्छ । आफैंमा खुविवान् सावित भएका संगीतकारहरुलाई गीत चोरीको आरोप लाग्नु नेपाली संगीत क्षेत्रमा लज्जाको बिषय बन्दै आएको छ ।
