पछिल्लो समयकी चर्चित नायिका मोडल एलिशा राईको ब्यस्तता दिनानुदिन बढ्दो छ । यही ब्यस्तताका बिचमा पनि उनले गज्जबका भिडियोहरुमा निरन्तर अभिनय गरिरहेकी छिन् । नृत्य एवं अभिनयमा अब्बल रहेकी एलिशाले बुगीउगीका सरोजसँग रोमान्स गरेको भिडियोले अहिले चर्चा पाइरहेको छ । भिडियोमा एलिसासँग सरोजले गरेको अनस्क्रििन रोमान्समा यो जोडीको अभिनय गज्जब सुहाएको छ ।
गायक राजमान तामाङको गीतको भिडियोमा एलिसा अहिलेसम्मकै सबैभन्दा बढी खुलेको देख्न सकिन्छ । ‘कान्छी’ बोलको सो गीतको भिडियोमा उनी मोडल सरोज मोक्तानकी कान्छी बनेकी छन् । जितेन लेप्चाको शव्द तथा संगीतमा बनेको सो गीतका एरेन्जर उदयराज पौडेल हुन् । युवराज वाइवाले निर्देशन गरेका भिडियोमा कोरियोग्राफी सरोज आफैंले गरेका छन् । उत्सव दाहालले खिचेको सो भिडियोलाई निशान घिमिरेले सम्पादन गरेका हुन् ।
