पोखरा, ८ पुस
विश्व विख्यात सिसीटिभि उत्पादनक कम्पनी युएनभीका पोखराका डिलरहरुलाई तालिम दिएको छ । कार्यक्रममा १ सय जना सहभागी भएका थिए ।
युएनभीको नेसनल डिस्ट्रिब्युटर इगल टेक नेपालले कार्यक्रम आयोजना गरेको हो । कस्मिक कम्प्युटिङ सलुसन्स, टिपी लिंक ट्रेडर्स र सिअइटी नेपाल युनएभीका पोखराका आधिकारिक डिलर हुन् ।
युएनभीका चिफ इन्जिनियर नारायण गैरेले कम्पनीको प्रोफाइलबारे प्रकाश पार्दै यसका उत्पादनहरुको जानकारीसमेत दिए । उनले प्राविधिक विषयमा सहभागीहरुसँग अन्तक्र्रियासमेत गरे ।
कम्पनीका प्रमुख अनिल दाहालले कम्पनीका भावी रणनीतिबारे जानकारी गराए । इगल टेकका सञ्चालक बालकृष्ण उप्रेतीले ग्राहकले युएनभीका उत्पादन किन्दा पाउने सुविधा र स्किमबारे जानकारी दिए । १० हजारभन्दा माथिको खरिदमा स्क्याच कुपन र लक्की ड्रमार्फत् मोटरसाइलक जित्नेदेखि विदेश भ्रमणसम्मका अफर रहेको उप्रेतीले सुनाए ।
कार्यक्रममा इगल टेकका प्रबन्ध निर्देशक मोहन ढुंगानाले युनिभ्यु सुपरभिलेन्स क्यामेराहरुको जडानले पोखराको ट्राफिक व्यवस्थापनदेखि सुरक्षा व्यवस्थासम्म चुस्त बनाउन सघाउने उल्लेख गरे ।
कस्मिक कम्प्युटिङका सञ्चालक पुरुषोत्तम कुँवर र टिपी लिंक ट्रेडर्सका सञ्चालक दामोदर डुम्रेले पनि कार्यक्रममा बोलेका थिए ।
