मुस्ताङका एक युवाले तयार पारे कोरोना रोकथाम गर्नसक्ने हिमाली औषधि

- ७ थरीका जटिबुटी मिश्रित औषधिले गानोगोला,सुगर,प्रेसर ,दम ,उक्तरत्तचाप ,स्नायु ,हाडजोर्नी लगायतका सामान्य बिराम पनि सञ्चो हुने

जिल्ला मुस्ताङमा कोरोना विरुद्ध रोकथाम तथा प्रतिकार्य गर्नसक्ने एक प्रकारको हिमाली जटिबुटी मिश्रित औषधि एक यूवाले तयार पारेका छन् । मुस्ताङको थासाङ गाउपालिका—१ टुकुचेका स्थानीय नगेन्द्र क्षेत्रीले उक्त स्वास्थ्यवद्र्धकऔषधि हिमाली लेकबाट आफैले खोजेर ल्याई तयार पारेको बताएका छन् ।

उनले गत भदौ महिनाको पहिलो साता कोरोना विरुद्ध प्रतिकार्य गर्नसक्ने रोग प्रतिरोधात्मक औषधि खोज्ने उद्देश्यले गाउ माथिको धौलागिरि लेक पुगे । उनले त्यहा एकसाता खर्चिएर ७ थरीका जटिबुटी जम्मा पारेका छन् । उनले थासाङ —१ टुकुचे माथिको धौलागिरि हिमालको जरा बतासे घिमडुङ फोजुङ भन्ने स्थानबाट ७ थरिका हिमाली प्राकृतिक जटिबुटी खोजेका हुन् । उनले खोजेको हिमाली औषधिहरुमा रमन ,हमन ,यार्सा ,कुटुकी ,निरमसी ,पाङ्वे र जाक्सिङ मुला छन् ।

समून्द्री सतह देखि करिव ५ हजार मिटरको अग्लो उचाईमा संकलन गरी ल्याएका ति औषधिलाई एकै ठाउमा मिलाएर घरेलु उपकरण ओखलमा कुटेर धुलो पाउडरको रुपमा औषधि तयार गरेको क्षेत्रीले बताए । ‘हिमालमा पाईने वन्यजटिबुटी स्वतः औषधि हन्छ भन्ने थाहा थियो ,यसले कोरोना संक्रमणलाई समेत हटाउनसक्छ भन्ने ठाने ’स्थानीय युवा क्षेत्रीले भने ‘ सबै जटिबुटी सबै मिलाएर घरमै औषधि तयार पारेको छु । यसको सफल नमूना परीक्षण पनि आफैबाट सुरुआत गरेको हु ।’


उनले आफुले तयार पारेको रोग प्रतिरोधात्मक औषधि एक महिनासम्म निरन्तर सेवन गरेको बताए । औषधि सेवन अघिको समय र औषधि सेवनपछिको समयमा आफ्नो शारिरिक अवस्था सवल र फुर्तिलो बनेको क्षेत्रीले सुनाए ।कोरोना भाईरसको संक्रमणले बृद्धबृद्धा , शरिरीक अवस्था कमजोर र दिर्घरोगीका बिरामीलाई खतरापूर्ण रहेको समाचार पढेको र त्यसको सामना गर्न आफुले तयार पारेको औषधि अमुक हुने दावी गरे ।

उनले भने ‘ यो औषधि कोरानाकै लागि पूर्ण लक्षित होईन । विभिन्न रोगका बिरामीले निको पार्छ भन्नेमा ढुक्क छु ।स्वास्थ्य सवल भए कोरोना लागेपनि जित्न सकिन्छ ।’ उनका अनुसार ७ थरीका जटिबुटी मिश्रित औषधिले गानोगोला,सुगर,प्रेसर ,दम ,उक्तरत्तचाप ,स्नायु ,हाडजोर्नी लगायतका सामान्य बिराम पनि सञ्चो हुने जनाएका छन् ।

स्थानीय क्षेत्रीले आफुले तयार गरेको औषधि कोरानाका बिरामी ,आईसोलेसन तथा क्वारेन्टाईनमा बसेका व्यक्तिलाई परीक्षण गर्न पाए हुन्थ्यो भन्ने खोजीमा छन् । उनले तयार पारेको औषधि अहिलेसम्म स्थानीय स्तरमा ३ दर्जनले सेवन गरिरहेको र सबैको प्रतिक्रिया सकारात्मक आएको जानकारी दिए । ‘ मेलै तयार गरेको कोरोनाकै औषधि हो भनेर भन्दिन । तर यसले कोरोनाका बिरामीलाई सतप्रतिशत फाईदा पू¥याउछ ।’

कोरोनाको औषधि तयार पारेका क्षेत्रीले औषधि लिन आउनेसंग पैसाको वार्गेनिङ नगरेको र जति दिएपनि आफु सन्तुष्ट रहेको उल्लेख गरे । आफुले औषधिको नाममा भ्रम छर्ने र व्यापार गर्न खोज्ने प्रयत्नमा यो काम नगरेको बताए । क्षेत्री अहिले आफुले तयार पारेको औषधि सरकार पनि परीक्षण गरिदिए हुन्थ्यो भन्ने खोजीमा छन् । उनका अनुसार एक महिनासम्म निरन्तर सेवन गर्न एक चम्चा धुलो औषधि भएपुग्ने र दैनिक बिहान र बेलुकी एक गिलास पानीमा एक चिम्टी कम मिलाएर सेवन गर्न सकिन्छ ।

‘एक महिना खाएर हेर्नुहोस ,त्यसपछि आफ्नो स्वास्थ्यमा फरक र उर्जाशिल महशुस गर्न सक्नुहुन्छ । स्मरण रहोस हिमाली तथा उच्च पहाडी लेकहरुमा विभिन्न प्रकारका प्राकृतिक जटिबुटी पाईने गर्छ । यहाका लेकमा बर्सेनि बैशाख देखि असारसम्म यार्सा टिप्ने सिजन सुरु हुन्छ ।


यसअघि मुस्ताङका संघीय सांसद प्रेमप्रसाद तुलाचनले नियमित मह सेवनले कोरोना भाईरसलाई परास्त गर्ने बताएका थिए । सांसद तुलाचनले प्रतिनिधि सभाको बैठकमै उक्त धारणा राखेर एकपटक मह परीक्षण गरिदिन अनुरोध गरेका थिए ।

फोटो क्याप्सन ः
मुस्ताङको थासाङ—१ टुकुचेका स्थानीय नगेन्द्र क्षेत्रीले तयार पारेको कोरोना प्रतिरोधात्मक हिमाली औषधि । तस्विर ःनगेन्द्र क्षेत्री ।