पोखरा महानगरको बजेट पारित


पोखरा महानगरको आर्थिक वर्ष २०७७÷७८ को नीति, कार्यक्रम र बजेट सर्वसम्मत पारित भएको छ । बुधबार महानगर प्रमुख मानबहादुर जिसीले नीति कार्यक्रम पेश गरेका थिए ।

बुधबारै उपप्रमुख मञ्जु गुरुङले सातौँ नगरसभामा ६ अर्ब १९ करोड ७१ लाख ७८ हजारको बजेट पेश गरेकी थिइन् । बजेटमाथि भएको छलफलमा १९ नगर सभासदले सुझाव राखेको प्रवक्ता धनबहादुर नेपालीले बताए ।

नेकपा सचेतक सोभामोहन पौडेल र नेपाली कांग्रेसका सचेतक रामराज लामिछाने एवं लेखा समिति संयोजक पूर्णबहादुर गुरुङले नगरसभामा धारणा राखेका थिए ।

महागरको शहरी योजना आयोगले प्रकाशन गरेको पोखरा २१०० तथा आवधिक रणनीतिक कार्ययोजना ०७७–०८२ प्रमुख जिसीले विमोचन गरेका छन् । पुस्तकमा हालसम्म महानगरका लागि बनाइएका र लागू गरिएका विभिन्न योजनाका मुख्य पक्ष र उपलब्धिहरुको समीक्षासमेत समेटिएको छ ।

समाचार, विचार बाडौं, सेयर गरौं । केही अनलाइनले हाम्रा सामग्री हुबहु र तोडमोड गरी प्रयोग गरेको पाइएकाले गैरकानुनी कार्य नगर्न अनुरोध छ ।


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं