धादिङको त्रिपुरासुन्दरी गाउँपालिका ७ का वडाध्यक्ष देवराज धरेलले राजीनामा दिएका छन् ।
सरकारले उचित मुआब्जा निर्धारण नगरेको भन्दै धादिङका बुढीगण्डकी जलविद्युत आयोजना डुबान प्रभावितले आन्दोलन थालेपछि धरेलले राजीनामा दिएका हुन् ।
राजीनामापछि स्थानीयसँगै आन्दोलनमा उत्रिने धरेलको तयारी छ । धादिङतर्फ आनाको ५० हजारदेखि बढीमा ७ लाख रुपैयाँसम्म मुआब्जा निर्धारण भएको थियो ।
प्रभावितहरुले भने जग्गा हेरेर आनाको २५ लाख रुपैयाँसम्म मुआब्जा पाउनु पर्ने माग गरेका थिए ।
मुआब्जाले डुवान प्रभावित मर्कामा जनाउने उनले उचित मुआब्जाका लागि प्रभावितसँगै चरणबद्ध आन्दोलनमा लाग्ने जनाए ।
उनीहरुले उचित मुआब्जा र जनप्रतिनिधिको राजीनमा माग गर्दै डवान क्षेत्रका गाउँपालिका कार्यालय, वडा कार्यालय, सडक, शैक्षिक सस्था बन्द गरेका छन् ।
