शिक्षण संस्थामा ‘सामाजिक बहिस्कार गरौं’ लेखिएको कालो ब्यानर


प्रदेश ५ का करिब आधा दर्जन शिक्षण संस्थाहरुमा विप्लव समूहको विद्यार्थी संगठन अखिल (क्रान्तिकारी)ले एकसाथ कालो ब्यानर राखेका छन् । ब्यानर राखेका स्कुल तथा कलेज सञ्चालकको फोटोयुक्त कालो ब्यानरमा ‘सामाजिक बहिस्कार गरौं’ लेखिएको छ । रुपन्देही, नवलपुर, अर्घाखाँचीका कलेज तथा विद्यालयहरुमा एकसाथ कालो ब्यानर टाँगिएको हो ।

रुपन्देहीको देवदहस्थित सगरमाथा अंग्रेजी बोर्डिङ स्कुल, तिलोत्तमाको नमस्ते एकेडेमी, बुटवलको सञ्जीवनी नर्सिङ कलेज, सैनामैनाको न्यू एकेडेमी, सिद्धार्थ मेडिकल कलेज, गैंडाकोटको मुकुन्दसेन इंग्लिस बोर्डिङ स्कुल, गैंडाकोटकै अक्सफोर्ड इन्जिनियरिङ कलेज र देवचुलीको सेन्ट जोसेफ इंग्लिस बोर्डिङ स्कुलमा कालो ब्यानर राखिएको हाे । त्यसैगरी, अर्घाखाँची माध्यमिक बोर्डिङ स्कुल सन्धिखर्कमा समेत कालो ब्यानर टाँगिएको छ ।

निजी स्कुल र कलेजहरुले चर्काे शुल्क लिएको, जनप्रतिनिधिले निजी स्कुल चलाएको र छात्रवृत्तीमा अनियमितता गरेकाले कालो ब्यानर राखेको अखिल (क्रान्तिकारी) का नेता वीरेन्द्र विकले बताए ।


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं