असार ११ गते २०७६

ताजा समाचार

असार ११ गते २०७६

बालकको बली दिने झाँक्री जेल चलान



आफ्नो तान्त्रिक शक्ति बढ्ने भन्दै अढाई वर्षीय बालकलाई बली दिने झाँक्री जेल चलान भएका छन् । धनुषाको मिथिला नगरपालिका ६ ढल्केवरका अढाई वर्षीय बालक आर्यन शाहको बली दिने ५५ वर्षका शत्रुधन महतो जिल्ला अदालत धनुषाको आदेशमा पुर्पक्षका लागि जेल चलान भएका हुन् ।

जिल्ला अदालतका न्यायाधीश उपेन्द्रप्रसाद गौतमको एकल इजलासले महतोलाई पुर्पक्षका लागि थुनामा पठाउन आदेश दिएपछि उनलाई महोत्तरीको जलेश्वर कारागार पठाइएको छ ।

गत वैशाख २३ खेलिरहेका बालक आर्यनलाई महतोले अपहरण गरी त्यही राति २ बजे आफ्नो आँगनमा बली चढाएका थिए । आर्यनको शव २४ गते बिहान घर नजिकैको बाँसघारीमा फेला परेको थियो ।