ताजा समाचार

जेठ १५ गते २०७६

बालक अपहरण गरी हत्या गर्नेमाथि प्रहरीले गोली चलाएपछि

पर्सामा बालक अपहरण गरी हत्या गरेको आरोपमा प्रक्राउ परेका अभियुक्तहरु भाग्न खोजेपछि प्रहरीले गोली चलाएको छ ।

८ बर्षीय बालक करण शाहको अपहरण गरी हत्या गरेका २ आरोपीहरु भाग्न खोजेपछि प्रदेश २ प्रहरी कार्यालयको टोलीले गोली चलाएको हो ।

गोली प्रहारबाट उनीहरु घाईते भएका छन् । बालकको अपहरण गरी लगेका उनीहरुले बच्चा सम्हाल्न नसकेपछि घाँटी थिचेर हत्या गरेका थिए ।

अपहरणमा ३ जना संलग्न रहेका थिए । तीनै जना प्रहरी नियन्त्रणमा रहेका छन् । प्रक्राउ परेकाहरु विकास शर्मा, सिकिन्दर र रामदिनेश रहेका छन् । तीमध्ये सिकिन्दर र विकास भाग्न खोजेपछि प्रहरीले गोली चलाएको थियो । उनीहरुको घुँडामा गोली लागेको बताईएको छ । हाल उनीहरुको उपचार भईरहेको छ ।