गोरखाको सिरानचोक गाउँपालिका -७ चिउरेभीरमा ट्रिपर दुर्घटना हुँदा चालकको मृत्यु भएको छ भने सहचालक बेपत्ता भएका छन् ।
गयराति १० बजेतिर बा ५ ख १९८२ नम्बरको ट्रिपर गोरखा–वारपाक सडकबाट करिब ४ सय मिटर तल दरौंदी नदीमा खसेको हो।
दुर्घटनामा चालक सिरानचोक गाउँपालिका ७ भालुस्वाँराका २० वर्षीय सुमन खड्काको ज्यान गएको हो भने बेपत्ता सहचालकको नाम ठेगाना खुलेको छैन ।
ट्रिपरमै यात्रा गरिरहेका स्थानीय जनक गुरुङलाई घाइते अवस्थामा उद्धार गरिएको प्रहरी नायब उपरीक्षक महेन्द्र नेपालले जानकारी दिए । घटनाको थप अनुसन्धान भैरहेको प्रहरीले जनाएको छ ।






