ताजा समाचार

जेठ ९ गते २०७६

युआरएलको सेवा बिहान ६ः३० साँझ ८ सम्म

पोखराको सभागृहचोकमा रहेको गण्डकी प्रदेशकै पहिलो रेफरेन्स ल्याब युआरएलले सेवा समय विस्तार गरेको छ । युनाइटेड रेफरेन्स ल्याबोरेटरी प्रालि (युआरएल)ले सेवाग्राहीको आवश्यकतालाई मध्यनजर गरी बिहान साढे ६ बजेदेखि साँझ ८ बजेसम्म सेवा दिन सुरु गरेको हो ।

युआरएलका प्रबन्ध निर्देशक ठाकुरप्रसाद पन्तले प्रदेशकै पहिलो र नेतृत्वदायी ल्याब भएकाले सेवाग्राहीको आवश्यकतालाई हेरेर कार्यालय समय थप गरिएको बताए । ५ वर्षअघि स्थापना भएको युआरएलले विभिन्न संघ, संस्थासँग समन्वय गरी कास्की र आसपासका जिल्लामा समेत निशुल्क शिविरहरु गर्दैै आएको छ ।