ताजा समाचार

जेठ ८ गते २०७६

न्यायाधीशविरुद्ध नै रिट दायर

सेवाग्राहीसँग घूस लिएको आरोपमा उच्च अदालत जनकपुरका न्यायाधीश लेखनाथ ढकालविरुद्ध सर्वोच्च अदालतमा रिट दायर भएको छ।

न्यायाधीश ढकालविरुद्ध काभ्रेका उमेश बानियाँले सर्वोच्चमा मुद्दा दायर गरेका हुन् । उनीमाथि सेवाग्राही बाँनियाले १८ लाख घूस लिएको आरोप लगाउँदै रिट दायर गरेका हुन्।

यसअघि परिबन्दमा पारी १८ लाख घुस लिएको दाबीसहित बानियाँले दर्ता गराउन गएको निवेदन सर्वोच्च प्रशासनले दरपीठ गरेको थियो। कामु रजिष्ट्रार नारायण पन्थीले न्यायाधीशमाथि कारबाही गर्ने निकाय न्याय परिषदले उजुरीमाथि छानबिन गरी तामेलीमा राख्ने निर्णय गरेको भन्दै दर्ता गर्न अस्वीकार गरेका थिए।

न्याायाधीश सपना प्रधान मल्लको इजलासले निवेदन दर्ता गर्न आदेश गरेको थियो ।आदेशपछि सर्वोच्च प्रशासनले बुधबार रिट दर्ता गरेको हो। उक्त रिटको पेशी बिहीबारका लागि तोकिएको छ।