वैशाख २९ गते २०७६

ताजा समाचार

वैशाख २९ गते २०७६

विद्यार्थीको संख्या कम भएपछि १५ वटा भेँडा विद्यालय भर्ना



एक प्राथमिक विद्यालयले १५ वटा भेँडालाई विद्यालयमा विद्यार्थीका रुपमा भर्ना गरेका छन् ।

फ्रान्समा एक किसानले विद्यार्थीको संख्या कम भएको भन्दै प्रशासनले एउटा कक्षा बन्द गर्ने योजना बनाएपछि आफ्ना १५ वटा भेँडालाई विद्यार्थीका रुपमा भर्ना गरेका हुन् ।

ग्रेनोब्लेको उत्तर पूर्वमा रहेको जुएलस फेरी प्राइमरी स्कूलमा विद्यार्थीको संख्या २६६ बाट २६१ मा झरेको थियो । त्यसपछि अधिकारीहरुले एउटा कक्षा बन्द गर्ने योजना बनाएका थिए । तर स्थानीय किसान मिशेल गिरर्डले प्रतिकात्मक रुपमा आफ्ना केही भेँडालाई विद्यार्थीका रुपमा भर्ना गरेका हुन् ।

मिशेल आफ्ना ५० भेँडासहित विद्यालयले गरेको विशेष समारोहमा उपस्थित थिए, जहाँ शिक्षक, बालबालिका र विद्यालयका अधिकारी गरि झण्डै २०० जनाको उपस्थिति रहेको थियो ।

सो अवसरमा स्थानीय मेयरले विद्यालय भर्ना भएका भेँडाहरुलाई जन्मदर्ता प्रमाण पत्र प्रदान गरेका थिए । उनले न्यूनतम विद्यार्थी संख्या तोकिँदा विद्यालय बन्द हुने अवस्था आउनका नदिनका लागि यस्तो तरिका अपनाउनु परेको बताएका छन् ।

मेयरका बच्चाहरुले पनि सोही स्कुलमा पढ्ने गर्दछन् । स्कुलमा भेडाहरु समेत आउन थालेपछि विद्यार्थीहरु समेत रमाउन थालेका छन् ।