ताजा समाचार

वैशाख २६ गते २०७६

५५ वर्षीय डाक्टरद्धारा मोडल बलात्कृत भएपछि

मुम्बईमा एक ५५ वर्षीय डाक्टरले २१ वर्षे मोडललाई बलात्कार गरेको घटना सार्वजनिक भएको छ ।

मिडिया रिपोर्ट अनुसार आरोपी डाक्टर र पीडित मोडलको एक सिरियलमा काम गर्नेबेला चिनजान भएको थियो । पिडित मोडलले उनका साथी मार्फत डाक्टरसंग चिनजान गरेकी थिइन् ।

त्यसपछि मोडल आरोपी डाक्टरलाई उपचारको सिलसिलामा भेट्न गइन्, त्यसपछि उनीहरुबीच दोस्ती भयो । मुम्बई पुलिसका अनुसार डाक्टरले वर्सोवामा मोडललाई एउटा घर पनि उपहार दिएका थिए ।

अनुसन्धानको क्रममा डाक्टरले मोडलको अकाउन्टमा केही पैसा पनि पठाएको पत्ता लागेको छ । यस्तै, पीडितको आरोप अनुसार डाक्टरले उनका केही आपत्तिजनक तस्बिर खिचेका थिए । त्यही फोटोको आडमा डाक्टरले आफूलाई ब्ल्याकमेल गर्ने गरेको आरोप लगाइन् ।

यस्तै पुलिसका अनुसार बलात्कारपछि डाक्टरले पीडितलाई यसबारे कसैलाई पनि नभन्न दबाब दिएका थिए ।

यसबारे कसैलाई जानकारी दिए तस्बिर भाइरल गरिदिने धम्की डाक्टरले दिने गरेको उनले बताइन् ।

यसबारे गत हप्ता उजुरी दिइएको थियो । पुलिसले यसबारे अनुसन्धान थालिएको जानकारी दिएका छन् ।