वैशाख २४ गते २०७६

ताजा समाचार

वैशाख २४ गते २०७६

जसले एक्लै बचाइन् ३१ को ज्यान

आईतबार रुसको राजधानी मस्को स्थित विमान स्थलमा एक यात्रुवाहक सरकारी विमानमा आगलागी हुँदा ४१ यात्रुको मृत्यु भयो । विमान स्थलबाट उडेको केहीबेरमै प्राविधिक कमजोरी देखिएपछि विमानलाई आकस्मिक अवतरण गराउँदा गराउँदै विमानमा ठुलो आगलागी भएको थियो जसमा २ बालबालिकासहित ४१ जनाको मृत्यु भएको हो ।

जुन दुर्घटनामा एक एयरहोस्टेजले देखाएको बहादुरीको कारण यतिबेला उनको चर्चा निकै भईरहेको छ । ३४ बर्षीया एयरहोस्टेस तत्याना कसातकिनाले आफनो ज्यानको बाजी लगाएर ३१ यात्रुको ज्यान जोगाएकी हुन् । उनले विमानको ढोका खोलेर एक एक यात्रुको कलर समात्दै बाहिर निकालेकी थिईन् ।

उनले एक मिडियासंग भनिन् “जब विमान रोकियो तब यात्रुहरुलाई बाहिर निकालियो । सबै जना चिच्चाईरहेका थिए किनकी चारैतिर आगो नै आगो थियो तर त्यतीबेलासम्म क्याबिनभित्र भने आगो आईसकेको थिएन” । त्यतीबेला विमान भित्र रहेका यात्रुहरु निकै आत्तिएको रोईरहेको उनले स्मरण गरिन् । उनको यस किसिमको हिम्मतलाई सबैले हिरो भनेर सम्बोधन गरिरहेका छन् ।