ताजा समाचार

वैशाख २२ गते २०७६

फेसबुकमा हत्या हुनसक्छ भनी लेखेको २४ घन्टामा शव फेला

बुटवल उपमहानगरपालिका १४ विनायकपुरकी २५ वर्षीया लक्ष्मी खत्रीले बिहीबार साँझ फेसबुक स्टाटसमालेखिन् ‘खै कति बेला हुन्छ शरीरको हत्या के थाहा ?

उनले आफ्नो स्टाटस उनले पति अमृत खत्रीलाई ट्याग गरिन् । अर्को दिन बिहान ५ बजे घरको दोस्रो तलामा शव फेला पर्यो ।

दाइजो नल्याएको निउँमा लामो समयदेखि परिवारले उनलाई यातना दिइरहेको बनाइन्छ । प्रहरीले उनकी सासूलाई शुक्रबार प्रहरीले नियन्त्रणमा लिएको छ ।

अर्घाखाँची, गोखुङ्गाकी लक्ष्मीको ७ वर्षअघि रूपन्देहीमा विवाह भएको थियो । उनकी एक छोरी छन् भने श्रीमान् वैदेशिक रोजगारीको सिलसिलमा गएका छन् ।

प्रहरीले हत्याको जाहेरी लिन मानेको छैन् । बिहीबार बिहान सासूबाट कुटिएर घाइते भएपछि राति १० बजेसम्म घरमा रुवाबासी चलेको र बिहान उक्त घटना भएको छिमेकीले बताएका छन् ।