फागुन ९ गते २०७५

ताजा समाचार

फागुन ९ गते २०७५

इन्फोटेकमा सस्तोमा सामान, सित्तैमा ज्ञान : पाण्डे



गुणानिधि पाण्डे क्यान महासंघ कास्कीका पूर्व अध्यक्ष हुन् । २२ वर्षदेखि पाण्डे कम्युटर सञ्चालन गरिरहेका उनी भायानेट क्यान इन्फोटेक इन एसोसियसन विफ आइएमइ पे २०१९ को अतिथि सत्कार उपसमिति संयोजक हुन् । क्यानको मेला र सूचना, प्रविधि व्यवसायबारे उनीसँग गरिएको कुराकानी :


क्यान महासंघ कास्कीले पहिलोदेखि ९ औं मेला गरिसकेको छ । १० औं महोत्सवको तयारी हुँदै गर्दा यो बीचमा कस्तो परिवर्तन आएको छ ? 
क्यान महासंघ कास्कीमा अहिलेसम्म संस्थापकहरुले नै अहिलेसम्म नेतृत्व गरिरहेका छौं । पहिलो महोत्सव गर्दा घाटामा गयो भने पनि पैसा उठाएर खर्च धानौंला भनी गरेका थियौं । अहिलेजस्तो धेरैलाई जानकारी हुने कुरै भएन । १० औं महोत्सवमा आइपुग्दा यो बीचमा धेरै परिवर्तन भए । सबैले बुझिसके । सबैलाई यसबारे जानकारी भयो । अब मेला गर्न सजिलो छ । अर्काे तरिकाले भन्दा, यो महोत्सव एक तवर स्थापित भयो, कास्कीका मानिसका लागि नियमित आकर्षणको कुरा बन्यो ।


अहिले सूचना प्रविधिको विकास कसरी भइरहेको छ ?
अहिले सूचना, प्रविधि बिना त मानिसको एक पाइलो पनि नचल्ने भो । त्यो बेला यो सर्वसाधारणको पहुँचमा पनि थिएन । निकै महंगो थियो । सजिलै ल्याउन सकिँदैनथ्यो । अब सबै क्षेत्रमा यसको अपरिहार्यता पुष्टि भएको छ ।

अनगिन्ति महोत्सव भइरहने ठाउँ हो पोखरा । अरुभन्दा क्यानको महोत्सव कसरी फरक छ ?
धेरै फरक छ । यो ज्ञानवद्र्धक छ । सबै नयाँ प्रविधिबारे जानकारी दिइन्छ । नितान्त नयाँ प्रविधि र उपकरणबारे जानकारी दिनमा जोड दिइन्छ । यसबारेमा अन्तक्र्रिया, गोष्ठी, कार्यपत्र, सेमिनार प्रस्तुत पनि हुन्छ । मेलामा काटिएका टिकटमध्येबाट १ जनालाई कम्प्युटर उपहार प्रदान गरिनेछ । यो पुरस्कारको सौजन्य पाण्डे कम्युटरले गरेको छ । पुरानादेखि लिएर विश्वमै आएका नयाँ प्रविधि र उपकरण यहाँ पाइन्छन् । इन्फोटेक सस्तोमा सामान र सित्तैमा ज्ञान दिइने अपूर्व अवसर हो । केन्द्रको केन्द्रपछिको क्यान कास्की नै अग्रणी मानिन्छ ।

तपाईको आइटी क्षेत्रमा संलग्नता र चुनौतीबारे बताइदिनुस् न ।
म २२ वर्षबाट यो क्षेत्रमा संलग्न छु । यो बीचमा धेरै ठूलो परिवर्तन भयो । चुनौती सबै क्षेत्रमा हुन्छन् । स्वभाविक रुमपा हाम्रो क्षेत्रमा पनि धेरै चुनौती छन् । आनन्द पनि छ । व्यवसायमा रमाएरै यति लामो समय गयो । यो अरु पेशा जस्तो होइन । नयाँ कुरा सिक्नु पर्छ । सधै विद्यार्थी भइन्छ । जहिल्यै पनि नयाँ कुरा, मेसिनसँग अपडेट हुन पाइन्छ । 

महोत्सवमा राखिने पाण्डे कम्प्युटरका स्टलबाट ग्राहकले के पाउँछन् ?
ग्राहक र हाम्रा उपभोत्तालाई नै लक्षित गरी मेला हुन लागेको हो । महोत्सवमा नयाँ कम्पुटर, ल्यापटप आउँछन् । सूचना प्रविधिका डिलर आउँछन् । सबै हामी विशेष छुट दिन्छौं ।