फागुन २१ गते हुने प्रतिनिधि सभा निर्वाचनमा झापा ५ मा नेपाली कम्युनिस्ट पार्टीले रञ्जित तामाङलाई उम्मेदवार बनाउने भएको छ।
नेकपा संयोजक पुष्पकमल दाहाल ुप्रचण्डुले झापा ५ बाट चुनाव लड्न रञ्जित तामाङलाई टिकट दिएका हुन्। तामाङ नेकपानिकट विद्यार्थी संगठन अखिल क्रान्तिकारीका पूर्वअध्यक्ष हुन्।
उनले आफूले झापाबाट चुनाव लड्नका लागि टिकट प्राप्त गरेको जनाएका छन् । ु
झापा ५ पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीको गृह निर्वाचन क्षेत्र हो। यसपालि पनि एमालेबाट ओली नै उम्मेदवार हुने पक्का छ।
यहाँ राष्ट्रिय स्वतन्त्र पार्टी (रास्वपा)बाट हाल काठमाडौं महानगर प्रमुख रहेका बालेन शाहलाई उम्मेदवार बनाउने चर्चा छ। बालेनले यसबारे त्यहाँका पार्टी कार्यकर्तासँग छलफलदेखि चुनावी सर्भेक्षणसमेत गरिसकेको बताइन्छ ।
समाचार, विचार बाडौं, सेयर गरौं । केही अनलाइनले हाम्रा सामग्री हुबहु र तोडमोड गरी प्रयोग गरेको पाइएकाले गैरकानुनी कार्य नगर्न अनुरोध छ ।
