भारतीय पर्यटक सवार भारतीय बस शुक्रबार बिहान साढे ११ तिर मस्र्याङ्दी नदीमा खसेको छ ।
युपी ५३ एफटी ७६२३ नम्बरको भारतीय बस पोखराबाट काठमाडौं जाँदै गर्दा पृथ्वी राजमार्गबाट करिब डेढ सय मिटर तल नदीमा खसेको हो । तनहुँको आँबुखैरेनी गाउँपालिका वडा नम्बर २ मा पर्ने ऐनापहराबाट बस खसेको गण्डकी प्रदेश प्रहरी कार्यालयले जनाएको छ ।
घटनास्थलमा प्रहरी पुगिसकेको छ भने सशस्त्र प्रहरीको उद्धार टोली जाँदै छ । बसमा ४० जनाभन्दा बढी यात्रु रहेको उद्धारमा खटिएका प्रहरीहरुको अनुमान छ । घटनाको विस्तृत विवरण आउन बाँकी छ ।
