लायन्स क्लब अफ पोखरा मिडटाउनले शनिबार अन्तर्राष्ट्रिय पर्वतीय संग्रहालय परिसर पोखरा १७, रातोपहिरोमा वृक्षारोपण गरेको छ । क्लबको वार्षिक कार्यक्रम अन्तर्गत विरुवा रोपिएको अध्यक्ष लेखबहादुर केसीले बताए ।
सो अवसरमा क्लबका सदस्य र पदाधिकारीले विभिन्न जातिका ५० विरुवा रोपेका थिए । लायन्स क्लब अफ अन्तर्राष्ट्रिय ३२५ एमका गभर्नर चण्डीप्रसाद अर्यालले वृक्षरोपण सुरुआत गर्दै यसले वातावरण संरक्षण र मानव हितमा उल्लेख्य भूमिका निर्वाह गर्ने जनाए । उनले लायन्सका मान्यताहरु अवलम्बन गर्दै विभिन्न काम गर्न आग्रह गरे ।
कार्यक्रममा अन्तर्राष्ट्रिय पर्वतीय संग्रहालयकी कार्यकारी निर्देशक निर्मला न्यौपानेले संग्रहालयको अभियानमा लायन्सले सहकार्य गरेकोमा धन्यवाद दिइन् । कार्यक्रममा जिएटी कोअर्डिनेटर जगन्नाथ तिमिल्सिना, क्लबका सचिव सोमनाथ अधिकारी लगायतले बोलेका थिए ।
