समृद्धि बाल क्लबको आयोजनामा हालै भएको खुला बुद्धिचाल प्रतियोगितामा गौरव पौडेल प्रथम भएका छन् ।
प्रतियोगितामा विकास घर्ती, अनुकूल गुरुङ क्रमशः दोस्रो र तेस्रो बने । प्रतियोगितामा जेनिस गुरुङ, ऋदम वाग्ले, आयुष पनेरु र एलेक्स राई सान्त्वना ठहरिए । विजेताहरुलाई समृद्धि महिला समूहकी उपाध्यक्ष अनिषा बराल र निर्णायक संयोजक परिवेश थापाले मेडल र प्रमाणपत्र प्रदान गरे ।
प्रतियोगितामा सुशान्त बाल क्लब, समृद्धि बाल क्लब, हिमालयन मित्र बाल क्लब र अन्य गरी १८ जना सहभागी थिए । प्रतियोगितामा बेस्ट जुनियरका रुपमा आशीष पौडेलले मेडल पाए ।
प्रतियोगितामा परिवेश थापाको संयोजकत्वमा दीक्षान्त शाही र रामबहादुर क्षेत्री निर्णायक थिए । एफआइडिई नियम अनुसार प्रतियोगिता भएको थियो ।
समृद्धि बाल क्लबका अध्यक्ष आयुष पनेरुको अध्यक्षतामा भएको कार्यक्रममा समृद्धि महिला समूहकी उपाध्यक्ष अनिषा बराल, निर्णायक संयोजक परिवेश थापा, समृद्धिका सचिव सौगात अधिकारीले बोलेका थिए ।
