मंगलबार कास्की प्रहरीले सामूहिक बलात्कार आरोपमा ३ जनालाई पक्राउ गरेको छ । पक्राउ पर्नेमा मादी–९, कास्कीका ३६ वर्षीय चन्द्रबहादुर थापा, मादी–१२ का ३८ वर्षीय कृष्ण रानाभाट र सोही ठाउँमा २९ वर्षीय विनोद परियार छन् ।
मंगलबार बिहान पोखराको अमरसिंहचोकको खेलकुद मैदानमा पार्किङ गरिएको ग१ख६५९५ नम्बरको बसबाट तीनै जनालाई पक्राउ गरिएको कास्की प्रहरीले जनाएको छ । सोमबार राति एक महिलालाई खाजा खान जाऊँ भनी फकाएर पार्किङ गरी राखिएको बसमा लगी मदिरा खुवाएर सामूहिक बलात्कार भएको देखिएको कास्कीका प्रहरी प्रवक्ता वसन्तकुमार शर्माले बताए ।
बसमा शंकास्पद गतिविधि भएको ठानी सिआरभी प्रहरीले मंगलबार बिहान ४ बजेतिर चेकजाँच गर्ने क्रममा महिलालाई अर्धनग्न अवस्थामा बसमा महिला फेला परेकी थिइन् । उनीहरु तीनै जनाविरुद्ध जिल्ला अदालत कास्कीबाट ७ दिन म्याद थप गरी अनुसन्धान जारी छ ।
