गीतकार शिव पलाँसको नयाँ गीत ‘ खोला जस्तो जिन्दगी’ सार्वजनिक भएको छ । टीका दाहालको संगीत , उदयराज पौडेलको संगीत संयोजन र अन्जु श्रेष्ठको आवाजमा रहेको गीतको म्युजिक भिडियोमा जीवन भट्टराई, स्नेहा भट्टराई र बाल कलाकार प्रेइज श्रेष्ठको अभिनय छ ।
उत्सव दाहालले छायाँङ्कन गरेको भिडियोको निर्देशन भने राजेश राईले गरेका हुन् । खोलाको बिम्ब संग जोडेर गीतकार पलाँसले यो गीतमा जीवनको यथार्थ उतार्ने कोशिश गरेका छन् ।
हरिनास १ स्याङ्जा स्थायी घर भई हाल अमेरिकाको नर्थ क्यारोलिनामा बस्दै आएका पलाँस दुई दशकदेखि साहित्य र गीतलेखनको क्षेत्रमा क्रियाशिल छन् । उनका गीतहरुमा दीप श्रेष्ठ , नरेन्द्र प्यासी, कर्ण दास, शिशिर योगी, रामकृष्ण ढकालदेखि बाल गायिका अनुजा कडरिया र रुक्सना लिम्बुसम्मले स्वर दिईसकेका छन् ।
उनको ‘ माया गर्नुको अर्थ’ गीत संग्रहसमेत प्रकाशित छ ।
