फूलभन्दा जून राम्रो जूनभन्दा मन
सबैभन्दा राम्रो लाग्छ यो नेपाली पन।
पाखा भरी लालीगुराँस रातै फुलेको छ
त्यै हेरेर आज भोलि मन भुलेको छ ।
डर लाग्छ मान्छे सँग मेला आए पछि
समयले फुलाउँछ बेला आए पछि ।
फूल भन्दा जून राम्रो जून भन्दा मन
सबैभन्दा राम्रो लाग्छ यो नेपाली पन ।
चाहे जति अन्न फल यहीं फलेको छ
ज्ञान नभै मानिसले अहम् पालेको छ ।
धर्तीबाटै मुल उठी बग्छ स्वच्छ पानी
प्रकृतिलाई भन्दा ठूलो कस्लाई ठानाैं धनी !
फूलभन्दा जून राम्रो ,जूनभन्दा मन
सबैभन्दा राम्रो लाग्छ यो नेपाली पन ।
