गायिका सुनिता थापाको ‘जुनी जुनीलाई’ गीतको म्युजिक भिडिओ सार्वजनिक भएको छ । गीतमा सुनितालाई स्वरमा राजेन्द्र बाराजुलीको साथ छ ।
सुनिताको यो पहिलो गीत हो । यसअघि उनले केही ट्र्याकमा गीत रेकर्ड गर्दै सामाजिक सञ्जालमा राख्दै आएकी थिइन् । अस्ट्रेलियामा बसोबास गर्ने सुनिता पहिलो प्रयासबाट आफूलाई थुप्रै हौसला मिलेको सुनाउँछिन् ।
गीतको म्युजिक भिडिओमा गायिका सुनिता र खिम लामिछाने ‘काजी’को अभिनय छ । काजी पोखरामा रहेर सामाजिक कार्य गर्नुका साथै फोटोग्राफी र साहित्यमा रुचि राख्छन् । गीतको लेखन र संगीत टेकनारायण चापागाईले गरेका छन् भने एरेन्ज राजेन्द्र बाराजुलीको छ ।
युवामा हुने प्रेम समेटिएको म्युजिक भिडियो निर्देशक तारानाथ आचार्यले गरेका छन भने अनिस खड्काले भिडियो खिचेका हुन् ।
