पोखरा २२ मा योङ्ग कम्युनिस्ट लिग एबम अनेरास्ववियु क्रान्तिकारीको भेला भएको छ । भेलाबाट सुदीप बरालको अध्यक्षतामा अनेरास्ववियु क्रान्तिकारी २२ र सनतकुमार बरालको नेतृत्वमा वाइसियल पोखरा २२ कमिटी गठन भएका छन् ।
कार्यक्रममा माओवादी केन्द्रका केन्द्रीय सदस्य रामजीप्रसाद बराल (जीवन)ले हरेक परिवर्तनमा युवाको भूमिका अहम् रहेको चर्चा गर्दै युवाहरु संगठित, समतामूलक समाज निर्माणका लागि प्रतिवद्ध हुनुपर्नेमा जोड दिए ।
वाइसियल पोखरा २२ अध्यक्ष हेमराज बरालको अध्यक्षतामा भएको कार्यक्रममा सुदीप बराल लगायतले बोलेका थिए ।
