यातायात व्यवस्था विभागले नेपालमा जडान वा उत्पादन हुने सवारी दर्ता गर्त विशेष व्यवस्था गरेको छ। बिहीबार सूचना जारी गर्दै विभागले यातायात व्यवस्थापन कार्यविधि निर्देशिका २०६० मा संशोधन भएको जनाएको हो ।
अब विदेशबाट पार्टपूर्जा पैठारी गरी नेपालमा जडान हुने वा नेपालमा नै उत्पादन हुने सवारी साधनको नयाँ दर्ता, सरुवा दर्ता, हेरफेर दर्ता, लिलाम दर्ता, पुनः दर्ता र नामसारी लगायतका प्रयोजनका लागि प्रज्ञापनपत्र आवश्यक नहुने भएको छ ।
यी कागजातको सटो उत्पादक कम्पनीले मूल्य अभिवृद्धि कर बिजक र प्रचलित कानुन बमोजिम अन्तः शुल्क तिरेको प्रमाण पेश गर्नुपर्ने भएको छ
नेपालमै पहिलो पटक विद्युतीय मोटसाइकलको व्यावसायिक उत्पादन गरिरहेको यात्री दर्ता हुन नसकेपछि यसबारे बहस भएको थियो । अब नेपालमै बनेका सवारी साधन प्रज्ञापनपत्र बिना दर्ता हुने भएका छन् ।
सोमबार प्रधानमन्त्री पुष्पकमल दाहाल ‘प्रचण्ड’ ले नेपालमा उत्पादित सवारी साधन दर्ता प्रक्रियामा देखिएको कानुनी जटिलता हल गर्न भौतिक पूर्वाधार तथा यातायात मन्त्रालयलाई निर्देशन दिएका थिए ।
