कहिल्यै नजितेको सोलुमा नेकपा एमालेले सोलुखुम्बुमा इतिहास रचेको छ । एमालेले सत्ता गठबन्धनका प्रभावशाली उम्मेदवार कांग्रेस नेता बलबहादुर केसीलाई पराजित गरेको छ ।
स्थानीय तहको मत अनुसार आधाभन्दा कम रहेको एमालेले सोलुखुम्बुमा सरप्राइज दिएको हो । नेकपा एमालेका केन्द्रीय सदस्य तथा सोलुखुम्बु जिल्ला इन्चार्ज मानवीर राई बलबहादुर केसीलाई हराउँदै प्रतिनिधिसभा सदस्य निर्वाचित भएका छन् ।
मानवीरले १९३२४ पाउँदा बलबहादुर केसी १६५४५ मा रोकिए । दुईबीचको मतान्तर २७७९ छ ।
यसपटक केसी पराजित हुने कल्पना कसैले गरेका थिएनन् । माओवादीले यहाँ पाएको सीट केसीका लागि छाडेको थियो ।
प्रदेशसभामा भने एमाले र माओवादीले एक एक सीट जितेका छन् ।
