नेपाल उत्पीडित जातीय मुक्ति समाज गण्डकी प्रदेश संगठन कमिटीको शनिबार भएको प्रथम सम्मेलनले निर्मल दियालीको नेतृत्वमा सर्वसम्मत रुपमा ८५ सदस्यीय कार्यसमिति चुनेको छ ।
नवनिर्वाचित अध्यक्ष दियाली डेढ दशकदेखि मुक्ति समाजका विभिन्न जिम्मेवारीमा छन् । पोखरा महानगरका कार्यपालिका सदस्य उनी पोखरा २८ का निवर्तमान अध्यक्षसमेत हुन् ।
सम्मेलनबाट प्रदेश कमिटी उपाध्यक्षमा नवलपुरका होमबहादुर विक र तनहुँकी डिना गोतामे, सचिवमा कास्कीका बमबहादुर विक र कोषाध्यक्षमा कास्कीकै कमला सुनार छन् । त्यस्तै उपसचिवमा पर्वतका बाबुराम सुनार र बागलुङकी रुपा विक छन् ।
प्रदेश कमिटी सदस्य खुलामा बाबुराम बसेल, गणेश गोतामे परियार, पविना नेपाली, सबिता नेपाली, शोभा सुनार, मनिषा विक, दुर्गाबहादुर विक, राजेन्द्र रुपाखेती, टीकाराम नेपाली, दुर्गा नेपाली, सन्दीप परियार, सेतीमाया विक र भरत विक छन् ।
भूगोल तर्फका सदस्यमा नवलपुरबाट रमेश गौतम, पार्वती सुनार, विरु विश्वकर्मा, खगीसरा नेपाली, चिनबहादुर परियार, प्रकाश विश्वकर्मा, रश्मि परियार, कास्कीबाट चन्द्रबहादुर विक, वीरबहादुर परियार, चिनबहादुर नेपाली, दुर्गाबहादुर विक, मन्दिरा परियार, मैयाँ नेपाली, सुनकमली विक, लमजुङबाट किसान संगीत नेपाली, कृष्ण विक, बबिता मजाकोटी, विष्णु विक र प्रमिता विक छन् ।
स्याड्जाबाट सुकुणा रणपाल, आँसु विक, सुनिता नेपाली, छविलाल नेपाली, जितबहादुर मिजार, तोलाकान्त विक र विजय सुनाम, मुस्ताङबाट हिक्मत नेपाली र जमुना घलाने, पर्वतबाट भुवनसिंह विक, शर्मिला नेपाली, मुक्त विक, दलबहादुर विक र गंगा नेपाली चुनिएका छन् ।
म्याग्दीबाट बलबहादुर विश्वकर्मा, खमबहादुर किसान, खिममाया पटेल, विष्णु विक र रामकृष्ण रसाईली, तनहुँबाट बिरु बस्याल, विनोदकुमार विक, रीता नेपाली, नरबहादुर विक र अञ्जान परियार र गोरखाबाट सन्तबहादुर नेपाली, भाइकाजी माल्वु, ठाकुर मगराती, आदिप नेपाली र बिमला रोका छन् । बागलुङबाट धनकुमारी सुनार, खड्गबहादुर विक, मीनबहादुर सुनार र श्यामलाल विक सदस्य छन् ।
कार्यक्रममा एमाले सचिव तथा गण्डकी प्रदेश इन्चार्ज पद्मा अर्यालले सबै जाति, लिंग, क्षेत्रलाई समेटेर देशको समृद्धि एमालेको नेतृत्वमा मात्र सम्भव भएको बताइन् । उनले जनवर्गीय संगठनहरु पार्टीका पूर्वाधार भएको बताउँदै पूर्वाधार बलिया बनाइराख्न कार्यकर्तालाई निर्देशन दिइन् ।
‘जातीय भेदभाव तथा छुवाछुतको अन्त्य गर्न राष्ट्रिय नीति निर्माण गरौं, समानुपातिक समावेशीपूर्ण प्रतिनिधित्वको संवैधानिक अग्राधिकार सुनिश्चित गरौं’ भन्ने नाराका साथ भएको सम्मेलनमा नेकपा एमाले पोलिटब्युरो सदस्य जगतबहादुर विश्वकर्मा, पूर्वमन्त्री जितु गौतम, पार्टीका केन्द्रीय सदस्यहरु कृष्ण थापा र सीता सुन्दास, मुक्ति समाजका केन्द्रीय अध्यक्ष मनोहर विश्वकर्मा पौडेल, समाजका केन्द्रीय सचिव तथा गण्डकी प्रदेश संयोजक धनबहादुर नेपाली, सहसंयोजक प्रेम विश्वकर्मा र बाबुराम विश्वकर्मा, अनेरास्ववियु गण्डकी अध्यक्ष प्रकाश पौडेल लगायतले बोलेका थिए ।
नवनिर्वाचित अध्यक्ष सुनारले पार्टीको मार्गदर्शनमा रहेर समतामूलक समाज निर्माणका लागि नयाँ कमिटी लाग्ने प्रतिवद्धता गरे । उनले भने, ‘संगठन सँगसँगै पार्टीलाई जनस्तरसम्म लैजान भूमिका खेल्छौं । प्रदेशका सबै जिल्लामा मजबुत संगठन बनाउँदै सबै प्रकारका विभेद अन्त्य गरी समातामूलक समाज निर्माणमा लाग्छौं ।’
निर्वाचित पदाधिकारी तथा सदस्यलाई मुक्ति समाजका केन्द्रीय अध्यक्ष मनोहर विक पौडेलले पद तथा गोपनीयताको सपथ गराए । कार्यक्रम मुक्ति समाजका केन्द्रीय सचिव एवं गण्डकी प्रदेश सम्मेलन कमिटी संयोजक धनबहादुर नेपालीको अध्यक्षतामा भएको थियो ।
