अपांगका सरोकारबारे छलफल

पोखरामा अपांगहरुको अवस्था, उनीहरुलाई समाजको व्यवहार र सरकारी सेवा, सुविधामा उनीहरुको पहुँचबारे छलफल भएको छ । वडा स्तरीय अपांगता समन्वय समितिले पोखरा महानगरपालिका वडा नं। १६ को आर्थिक सहयोगमा कार्यक्रम गरेको हो ।

कार्यक्रममा प्रदेश सांसद मिना गुरुङले राज्य सबैको अभिभावक भएकाले मुलधारबाट पछि परेका नागरिकको संरक्षण र सशक्तीकरणका लागि थप पहल गर्नुपर्ने बताइन् । उनले अपांगहरुमा पनि फरक र विशिष्ट क्षमता हुने उल्लेख गरिन् । उनले भनिन्, ‘सपांगभन्दा कमजोरलाई संरक्षण, सशक्तीकरण गर्ने कुरा राज्य दायित्व हो । कतिपय फरक क्षमताका नागरिकले सपांगलाई पनि हौसला दिने खालका उदाहरणीय काम गर्नुभएको छ ।’

समितिको अक्षयकोषमा सहयोग गरेकोमा सांसद गुरुङलाई कार्यक्रममा सम्मान गरियो । उनले समितिलाई २१ हजार ५ सय सहयोग गरेकी छन् । अक्षयकोषका लागि चन्द्रा थापाले ११ हजार, नन्दा गुरुङ ११ हजार, दुर्गा केसी थापा १० हजार, पोखरा १६ का वडाध्यक्ष अमृत तिमिल्सिना १० हजार र गणेश थापाबाट ८ हजार सहयोग भएको छ । गोमा अधिकारी गौतम यमनकाजी गुरुङ, रामचन्द्र आचार्य र राजेश गुरुङ ९राजु०ले जनही ५ हजार सहयोग गरेका छन् । रामकाजी गुरुङले कोषमा २ हजार थपेका छन् ।

संस्थाकी अध्यक्ष रामकुमारी बानियाँले अपांगहरुका जायज माग कसरी सम्बोधन गरी मूल धारमा उनीहरुलाई ल्याउन सकिन्छ भनेर सरोकारवालाले अध्ययन गर्नुपर्ने बताइन् ।

समारोहमा कार्यक्रम संयोजक लक्ष्मी अधिकारी, मञ्जु नेपाली, सदस्य योगमाया गुरुङ लगायतले बोलेका थिए ।