कोभिड जाँच शुल्क घट्यो

सरकारले कोरोना भाइरसको परीक्षण शुल्क घटाएको छ ।

स्वास्थ्य तथा जनसंख्या मन्त्रालयका सहप्रवक्ता डा समीरकुमार अधिकारीले बुधबार आयोजित नियमित पत्रकार सम्मेलनमा पीसीआर परीक्षण शुल्क समायोजन गरिएको जानकारी दिए ।

अब सरकारी प्रयोगशालामा पीसीआर परीक्षण गर्दा ८ सय रुपैयाँ तिनुपर्नेछ । यसअघि सरकारी प्रयोगशालामा यसको शुल्क १ हजार थियो ।

त्यस्तै अब निजी प्रयोगशालामा पीसीआर परीक्षण गर्दा १ हजार ५ सय रुपैयाँ लाग्ने छ । यसअघि निजी प्रयोगशालामा २ हजार रुपैयाँ लिइन्थ्यो ।