रोएको छ गाउँबस्ती हुनसम्म भयो
घर खेत पहिरोले बगाएर लयो।
दोभानमा खेत हजुर ,त्रिवेणीमा घर
रातै भरी झरी पर्दा लाग्छ सधैं डर
तगारोमै आइसक्यो खहरेको छाल
घरभित्रै पस्न लाग्यो लौन पापीकाल ।
रोएको छ गाउबस्ती हुनसम्म भयो
घर खेत पहिरोले बगाएर लयो ।
आकाशबाट मुसुलधारे पानी पर्दा खेरी
घर छोडेर हिड्नु पर्छ हामी सधैं भरी
बाडी आयो घरबास पार्यो सत्यनास
हामी दुखी कहाँ जानु त्रिपालकै बास ।
रोएको गाउँबस्ती हुन सम्म भयो
घरखेत पहिरोले बगाएर लयो ।
