राप्रपा गण्डकी अध्यक्षमा हेमजंग

राष्ट्रिय प्रजातन्त्र पार्टीले पाँच प्रदेशमा अध्यक्ष र उपाध्यक्ष नियुक्ति गरेको छ ।

अध्यक्षत्रयले प्रदेश अध्यक्ष र उपाध्यक्ष नियुक्त गरेका हुन् । प्रदेश १ मा अध्यक्ष रामकुमार थापा, उपाध्यक्ष सगुनसुन्दर लावती, प्रदेश २ मा अध्यक्ष रामचन्द्र राय, उपाध्यक्ष महेशलाल महासेठ, गण्डकी प्रदेशमा अध्यक्ष हेमजङ्ग गुरुङ, उपाध्यक्ष महेश्वर रोक्का मनोनीत भएका छन् ।

लुम्बिनी प्रदेशमा प्रदीपकुमार उदय अध्यक्ष, कैलाश गुरुङ उपाध्यक्ष र कर्णाली प्रदेशमा दीपबहादुर शाही अध्यक्ष र उपाध्यक्षमा जनकसिंह ठकुरीलाई मनोनयन गरिएको राप्रपा केन्द्रीय सचिवालयले बुधबार जारी गरेको विज्ञप्तिमा उल्लेख छ ।