राष्ट्रकवि माधवप्रसाद घिमिरेको निधन भएको छ ।
उनको मंगलबार साँझ ५ बजेर ५५ मिनेटमा निधन भएको हो । घिमिरे लमजुङको पुस्तुनमा विस १९७६ मा जन्मिएका थिए ।
माधवप्रसाद घिमिरे स्वच्छन्दतावादी भावधारा र परिष्कारवादी शैली भएका कुशल नेपाली साहित्यकार कवि र गीतकार हुन्।
उनी बाल्यावस्थादेखि निरन्तर रुपमा नेपाली साहित्यका कविता, खण्डकाव्य, गीतिनाटक, कथा, अनुवाद लेख -प्रबन्धजस्ता अनेकौं विधा-उपविधाहरुमा निरन्तर कलम चलाउदै आएका बहुमुखी प्रतिभा हुन्।
