सडकमा निस्केर शिक्षकले भने : हामीलाई पनि बाँच्न देऊ

निजी तथा संस्थागत विद्यालय शिक्षक÷कर्मचारी युनियन नेपालअन्तर्गत पोखरा महानगर समितिको आयोजनामा सोमबार शान्तिपूर्ण ¥याली निकालिएको छ ।

कास्कीको पोखरा र यस आसपासमा रहेका निजी तथा संस्थागत विद्यालयमा अध्यापनरत शिक्षक तथा कर्मचारीको उपस्थिति रहेको ¥याली पोखराको सृजनाचोकबाट सुरु भएर न्युरोड हुँदै मानवअधिकार चोकमा गई कोण सभामा परिणत भएको थियो । ¥यालीमा उपस्थित शिक्षक कर्मचारीले “हामी पनि बाँच्न पाऊँ, श्रमको उचित मूल्याङ्कन गर, योगदानमा आधारित सामाजिक सुरक्षा अनिवार्य गर जस्ता नारा लेखिएका नारा छातीमा टाँसेका थिए ।

नेपाल यातायात स्वतन्त्र मजदुर सङ्गठन निजी तथा आवासीय विद्यालय इकाईका अध्यक्ष दीपक रोकाले निजी विद्यालयमा रहेका बसका चालक तथा सहचालक एवं कर्मचारीको जागिरको सुरक्षाको प्रत्याभूत गराउँदै अहिलेसम्मको तलब सुविधा यथाशीघ्र उपलब्ध गराउन माग गरे ।

निजी तथा संस्थागत विद्यालय शिक्षक कर्मचारी युनियन नेपाल, गण्डकी प्रदेशका सचिव मिलन तिमिल्सिनाले व्यवसाय सञ्चालन गरेपछि नाफा र घाटाको विषय सञ्चालकको हुने भएकाले निश्चित तलब तथा पारिश्रमिकमा बाँच्ने मजदुरमाथि यसको भार थुपार्न नहुने तर्क गरे । उनले शिक्षक कर्मचारीलाई निजी विद्यालयले भोको पेटमा काम गर्न बाध्य बनाएका गुनासो गरे ।

शिक्षक कर्मचारीको पेशागत सुरक्षाको ग्यारेन्टी गर्दै बालबालिकाको पढ्न लेख्न पाउने अधिकार सुरक्षित गर्ने कुराप्रति निजी विद्यालयका सञ्चालकहरू गम्भीर नदेखिएको विषय उठान गर्दै निजी तथा संस्थागत विद्यालय शिक्षक कर्मचारी युनियन नेपालका केन्द्रीय उपाध्यक्ष शिवलाल उपाध्यायले शिक्षक कर्मचारीलाई लामो समयको तलब तथा पारिश्रमिक नदिई निजी विद्यालयका छाता सङ्गठन प्यब्सन र एनप्याब्सनले संयुक्त रूपमा प्रकाशन गरेको विज्ञप्तिको खण्डन गरे ।

निजी विद्यालयका शिक्षक कर्मचारीको सङ्गठन प्याब्सियुले कास्कीमा रहेका प्याब्सन, एनप्याब्सन र युनिप्ससँग अनौपचारिक रूपमा छलफल र वार्ता गर्दा पनि उपयुक्त निकास ननिस्किएपछि राष्ट्रव्यापी सङ्घर्ष तथा आन्दोलनका कार्यक्रमहरूको घोषणा गरेर अगाडि बढ्नुपरेको उपाध्यक्ष शिवलाल उपाध्यायको भनाइ छ । सङ्गठनका तर्फबाट राष्ट्रव्यापी रूपमा सरोकारवाला संस्थामा यसअघि नै ज्ञापनपत्र बुझाइसकेको र अझ पनि सम्बन्धित निकाय गम्भीर नबने तथा समयमा उपयुक्त निकास ननिस्के उक्त संस्थाहरूमा तालबन्दी गर्ने आगामी कार्यक्रम रहेको जनाइएको छ ।

प्याब्सियु पोखरा महानगर समिति अध्यक्ष विजयराज अधिकारीले तलब, सुविधा यथाशीघ्र उपलब्ध गराउने, योगदानमा आधारित सामाजिक सुरक्षा अनिवार्य गर्नुपर्ने, बौद्धिकताको सम्मान गर्नुपर्ने, विद्यालयले नियुक्तिपत्र अनिवार्य दिनुपर्ने, सरकारी तलबमान कायम गर्नुपर्ने, पेशाको ग्यारेन्टी गर्दै विद्यालयले सम्बन्धन लिने बेलाका बुँदाहरू कार्यान्वयन गर्नुपर्ने आदि जस्ता माग रहेको जानकारी दिए ।