गत जेठ १० गते रुकुम पश्चिमको चौरजहारी नगरपालिकाको सोती घटनाको छानबिन गर्न संसदीय विशेष छानबिन समिति गठन भएको छ।
नेकपा सांसद देवेन्द्र पौडेलको नेतृत्वमा ९ सदस्यीय छानबिन समिति बनाइएको हो । सोमबार गठित समितिक सदस्यमा सांसदहरु दुर्गा पौडेल, एकवाल मियाँ, पार्वतीकुमारी विशुन्के, प्रकाश रसाइली, विमला बिक, महेश्वरजंग गहतराज, मीनबहादुर बिश्वकर्मा र रामसहायप्रसाद यादव छन् । समितिले ३० दिनभित्र छानबिन सक्नुपर्छ ।
सोती गाउँमा मल्ल थरकी एक युवतीलाई लिन जाजरकोटबाट साथीसहित गएका नवराज विकसहित ६ जनाको हत्या भएको थियो । उनीहरुलाई गाउँलेले कुटपिट गरी भेरी नदीमा बगाएको पीडित पक्षको जिकिर छ ।
