४५ परिवारलाई राहत

पोखराका विभिन्न टोलमा बसोबास गर्ने विपन्न ४५ परिवारलाई शुक्रबार राहत वितरण गरिएको छ ।

उनीहरुलाई ६० हजारको चामल, दाल, नून, तेल लगायतका खाद्यान्न प्रदान गरिएको हो । पोखरा ८ नागबेली मार्गकी तिलकुमारी घमालका बाल्टीमोर, अमेरिकामा रहेका छोरीज्वाई श्रीकुमारी घमाल र रविलाल घमाल सेन्चुरी तथा कान्छीछोरी ज्वाई जुनु घमाल रामदाम र गोपाल रामदामको सहयोगमा सो रकम संकलन भएको हो ।

रुद्र घमाल र हरि घमाल, मिनकुमारी बुढा र तारा घमाल लगायतको उपस्थितिमा नागबेली टोल विकास संस्थाका अध्यक्ष शारदा गिरी र पोखरा ८ का वडा सदस्य पुष्पराज सिग्देलको समन्वयमा भौतिक दुरी कायम गरी राहत बाँडिएको हो ।