कोरोनाका कारण बेलायतमा थप एक भूपू गोरखा सैनिकको मृत्यु


कोरोनाबाट बेलायतमा थप एक भूपू गोरखा सैनिकको निधन भएको छ। बेलायतको ग्रेजा निवासी ६१ वर्षीय जीतेन्द्र राईको उपचारका क्रममा मङ्गलबार निधन भएको उनका आफन्त बलु राईले जानकारी दिएका हुन्।

पुर्ख्याैली घर खोटाङ भई उदयपुर बसाइँसराइ गरेका राई लामो समयदेखि बेलायतमा थिए। 

कोरोनाका लक्षण देखिएपछि सुरुमा अस्पतालले घरमै आइसोलेसनमा बस्न सुझाएको थियो । घरमा १४ दिनसम्म बस्दा पनि ठीक नभएपछि ५ हप्ताअगाडि उनलाई एम्बुलेन्समा अस्पताल लगिएको थियो।

घर नजिककैको बासिल्डन अस्पतालको सघन उपचार कक्षमा १ महिना ५ दिन राखेर उपचार गर्दासमेत कुनै सुधार भएको थिएन। उनका ३ छोरा बेलायतमा र श्रीमती नेपालमा छन्।

हालसम्म बेलायतमा कोरोनाबाट निधन हुने नेपालीको सङ्ख्या ६५ पुगेको छ भने राईसहित भूपू गोरखा सैनिकको सङ्ख्या ५४ पुगेको छ। रासस


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं