जेठ ८ गते २०७७

ताजा समाचार

जेठ ८ गते २०७७

करेसाबारी, कौसी खेतीबारे सित्तैमा अनलाइन तालिम



अनलाइन सपिङ स्टोर ग्यापु मार्केटप्लेस र मेरो एग्रो प्रालिले करेसाबारी र कौसी खेतीबारे निशुल्क अनलाइन तालिम दिने भएका छन्।

शुक्रबार दिउँसो चार बजे जुम मिटिङरुममा सुरु हुने तालिम सप्ताहिक रुपमा एक महिनासम्म चल्नेछ। तालिम ग्यापु मार्केटप्लेसको फेसबुक पेजबाट समेत लाइभ हेर्न सकिनेछ।

इच्छुक जो कोहि तालिममा सहभागी हुन सक्नेछन्। जुम मिटिङको आइडी 857 0792 9547 र पासवर्ड agrogyapu छ।

तालिममा अर्ग्यानिक तराकारी खेतिको आवश्यकता, माटोको तयारी, बाली छनौट, बेर्ना उत्पादन, बेर्ना सार्ने प्रक्रिया, मलखाद ब्यवस्थापन, सम्भवित रोग र निदानका उपाय र बाली भित्र्याउने प्रक्रिया सिकाइने मेरो एग्रो प्रालिका निर्देशक एसके श्रेष्ठले जानकारी दिए।

तालिममा स्थानिय जातका तरकारी लगाउन प्रोत्साहन गरिने र हाइब्रीड जातको समेत जानकारी गराइने श्रेष्ठले बताए। भान्साबाट निस्कने फोहरलाई ब्यवस्थापन गरि मल बनाउन विधि समेत तालिममा सिकाइने छ। खेती गर्न इच्छुक तर बीउ र मल नहुने ग्राहकलाई घरैमा डेलिभरी गरिने ग्यापु मार्केटप्लेसका निर्देशक ज्ञानेन्द्र खड्काले बताए।

लकडाउनले गर्दा फुर्सदिला ब्याक्तीहरुलाई समय अनुसारको तरकारी खेती सम्बन्धि तालिम दिई बाँझो वारि र कौसीको सदुपयोग गर्न सिकाउन तालिमको आयोजना गरिएको खड्काले बताए।