चैत्र १३ गते २०७६

ताजा समाचार

चैत्र १३ गते २०७६

कोरोनाको जोखिममा सडक बालबालिका



चीनमा पहिलो पटक देखा परि विश्वभर फैलिएको कोभिड–१९ कोरोना भाइरस नियन्त्रणकालागि सरकारले मंगलवार देखि एक साताकालागि देश नै लकडाउँन गरेको छ । कोरोना भाइरसको त्रासका कारण नेपाल मात्र होेइन विश्वमा धेरै देशका नागरिक घर भित्रै सेल्फ क्वारेन्टाइनमा बसिरहेका छन् ।

पोखराको प्रमुख पर्यटकीय केन्द्र लेकसाइड कोरोना भाइरसका कारण सुनसान छ । पोखरामा रहेका पर्यटक सामान किन्न फाट्टफुट्ट निस्कने बाहेक राती २ बजे सम्म गुल्जार रहने लेकसाइड सुनसान छ । सुनसान लेकसाइडमा तनहुँ भिमादका करिव दश वर्षका मिलन बिक बिहीवार निस्फीक्री सडकमा घुमी रहेका थिए । उनि संग ७ वर्ष देखि ११ वर्ष समूहका बालबालिका उस्तै गरि निस्फीक्री डुली रहेका छन् । लेकसाइडमा हिडीरहेका पर्यटक संग उनि पाउँरोटी माग्दै थिए । लकडाउन भए देखि राम्रो संग खानपनि नपाएको उनले सुनाए ।

धेरै नखुलेका उनि राति मन्दिरमा बस्ने र माघेर भोक मेट्ने गरेको बताए । कोरोना भाइरस नियन्त्रण गर्न लकडाउन हुनु अघि सम्म लेकसाइडका रेष्टुरेण्टमा खाना मिल्थ्यो । अहिले भने लेकसाइडका रेष्टुरेण्ट बन्द छन् । त्यसैले समस्या परेको उनले सुनाए । उनि संगै ४ जना बालीका र एक जना बालक पनि उनि जस्तै गरि लेकसाइडमा दिन बिताइरहेका छन् । म्याग्दी घर भएकी अञ्जली श्रेष्ठ नाम बताउँने ८÷९ वर्षीय बालिका पनि निस्फीक्री सडकमा हिडीरहेकी छन् ।

पोखरा महानगरपालिका भित्र यसरी हिड्ने बालबालिका कति छन भन्ने यकीन छैन । पोखराको सडक, प्रतिक्षलयमा रात काट्ने उमेर पुगेका पाका महिला र पुरुष पनि रहेका छन् । उनिहरुको अवस्था पनि उस्तै जोखिममा रहेको छ । आफ्नो स्थानीय निकायमा रहेका सडक बालबालिका, सडमै रात काट्ने उमेर पुगेका महिला पुरुषलाई सम्वन्धीत स्थानीय निकायले संरक्षणमा लिनु पर्ने राष्ट्रिय मानव अधिकारी अयोग गण्डकी प्रदेशका अधिकृत टंक खनालले बताए । अभिभावक भएका बालबालिकालाई अभिभावकको जिम्मा लगाउन र अभिभावक नभएका बालबालिकालाई संरक्षणमा स्थानीय निकायले लिनु पर्छ उनले भने ।


हामी पाठकको रचनात्मक प्रतिक्रिया, कमेन्ट, सेयरको सराहना गर्दछौं । तर नेपालदुतमा प्रकाशित समाचार वा अन्य सामग्री जस्ताको तस्तै वा परिमार्जनसहित अन्य न्युज पोर्टलमा प्रकाशित नगर्न अनुरोध छ ।