मुस्ताङ ःलक – डाउन अवधिमा आपत्कालिन सेवा,रमेशले बुझाए सिडिओलाई जिपको चाँवी


हालै उत्पन्न नोवल कोरोना – कोभिड–१९ ) को महामारीलाई मध्यनजर गर्दै नेपाल सरकारले आज बुधबार देखि मुलकभर एक साताका लागि लक डाउन गरेको छ । लक डाउनसंगै अहिले देश ठप्प छ ,जनता त्रासमा छन् ।
सरकारले कोरोना नफैलियोस् भन्ने उद्देश्यले लक डाउन गरेको हो । यस अवधिभर मुलुकभर चल्ने सार्वजनिक तथा निजी यातायातका साधन चलाउन नपाईने उल्लेख गरेको छ । सरकारले दैनिक अतिआवश्यकीय सेवा बाहेक अन्य प्रयोजनमा सवारी चलाउन बन्देज गरेको हो ।
मुस्ताङमा पनि सरकारले गरेको लक डाउन निर्णय कार्यान्वयमा ल्याईएको छ । सेवाप्रदायक सबै निकाय ठप्प छ ।यस्तो बिषम अवस्थामा बिरामी परे आपत्काििलन सेवा आवश्यक पर्ने हुन्छ । मुस्ताङमा आपत्कालिन अवस्थामा सेवा दिने सरकारी तथा गैरसरकारी निकायका सवारी साधनको अभाव छ ।
कोरोनाको भयावह परिस्थिती र सुन्य समयलाई आत्मसाथ गर्दै युवा संघ मुस्ताङका संयोजक रमेश गुरुङले सामाजिक उत्तरदायित्व बहन गर्दै जिल्लाबासीको हितमा आपत्कालिन सेवा गर्ने जनाएका हुन् । उनले लक डाउन अवधिभर जिल्ला भित्र बसोबास गर्ने कुनै पनि सर्वसाधारणलाई कुनै अप्ठ्यारो र बिरामी परेको खण्डमा तुरुन्त तल उल्लेखित फोन नम्बरमा खबर गरे निःशुल्क यातायात सेवाको व्यवस्था मिलाएको जनाए । उनले आफ्नो सेवा विशुद्ध मानवीय सहयोग भएको उल्लेख गरे ।
जिल्ला प्रशासन कार्यालय मुस्ताङ अगाडी आफ्नो निजी सवारी सहित उपस्थित भएका संयोजक गुरुङले मुस्ताङका प्रजिअ वेदप्रकास अर्याल समक्ष जिपको साचो हस्तान्तरण गरे । उनले सरकारले घोषणा गरेको लक डाउन अवधिभर बिरामी ओसार–पोसार गर्न जिप उपलब्ध गराएको र सेवा गरे वापत कुनै शुल्क नलिने बताएका छन् ।
निःशुल्क आपत्कालिन सेवाका लागि
संम्पर्क ः
प्रमुख जिल्ला अधिकारी ः९८५७६३७७७७
रमेश गुरङ m ९८५७६५०३५७


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं