म्याग्दीमा जीप दुर्घटनाहुँदा ९ घाइते,२ जना लाई पोखरा ल्याइयो

म्याग्दीको रघुगंगा गाउँपालिका-४ दग्नाममा जीप दुर्घटना हुँदा ८ जना घाइते भएका छन्।

दग्नामको कान्छीगाउँदेखि बेनी आउँदै गरेको ग२च ५९८८ नम्बरको जिप दग्नामको पानाकोट भन्ने स्थानमा शुक्रबार बिहान दुर्घटना हुँदा दग्नामका सुकमाया गर्बुजा, भदेबी गर्बुजा ,हमाया पुन, मिन्जा पुन, युबी गर्बुजा, मनबहादुर तिलिजा ,बर्षा शेरपुन्जा ,तामिना शेरपुन्जा र अशिम गर्बुजा घाइते भएको जिल्ला प्रहरी कार्यालय म्याग्दीका सूचना अधिकारी तथा प्रहरी निरीक्षक धु्रवप्रसाद शर्माले जानकारी दिएका छन् ।

दुर्घटनामा घाइते भएकाको बेनीअस्पतालमा उपचार भइरहेको छ । घाइतेमध्ये गम्भीर दुईजना भदेबी गर्बुजा र मिन्जा पुनलाई बेनी अस्पतालमा सामान्य उपचारपछि हेलिकोप्टरमार्फत पोखरा मनिपाल हस्पीटल रिफर गरिएको छ।